ಬರಲಿಲ್ಲ ಮಳೆ ಈ ಕಡೆ

ಬಾ ಬಾ ಎಂದು ಬೇಡಿದೆ
ಬರಲಿಲ್ಲ ಮಳೆ ಈ ಕಡೆ

ಎಂದೆ ನಾ ಬಾ ಬಾ ಮಳೆ
ಸೇರಿಹುದು ನನ್ನ ವಾಹನದ ಮೇಲೆ ಕೊಳೆ
ಬಂದು ನೀ ಅದರ ತೊಳೆ
ಎಂದಿತು ಅದು ಹುಡುಕಿಕೊ ಯಾವುದಾದರು ಹೊಳೆ

ಬರಲಿಲ್ಲ ಮಳೆ ಈ ಕಡೆ

ಎಂದೆ ನಾ ಬಾ ಬಾ ಮಳೆ
ಬಂದು ತಂಪನ್ನು ಇತ್ತ ಸೆಳೆ
ಬೆಂದು ಒಣಗುತ್ತಿದೆ ಎಲ್ಲ ಬೆಳೆ
ಎಂದಿತು ಅದು ಸಾಕು ಮಾಡು ನಿನ್ನ ರಗಳೆ

ಬರಲಿಲ್ಲ ಮಳೆ ಈ ಕಡೆ

ಎಂದೆ ನಾ ಬಾ ಬಾ ಮಳೆ
ಕಾಣು ಎಲ್ಲರ ಮೊಗದಿ ಕಳೆ
ತಟ್ಟುವೆ ನಿನಗೆ ನಾ ಚಪ್ಪಾಳೆ
ಎಂದಿತು ಅದು ಬಿಡಬೇಡ ನೀ ಬೊಗಳೆ

ಬರಲಿಲ್ಲ ಮಳೆ ಈ ಕಡೆ